კრემლის პრესსპიკერმა, დიმიტრი პესკოვმა ბრიფინგზე განაცხადა, რომ რუსეთი არ აპირებს სტრასბურგის გადაწყვეტილების შესრულებას.

"რუსეთი საქართველოსთვის კომპენსაციის გადახდის შესახებ ადამიანის უფლებათა ევროპული სასამართლოს გადაწყვეტილებას არ შეასრულებს," — განაცხადა პესკოვმა.

პესკოვმა შემდეგ დასძინა, რომ "ცალკე საკითხია" საქართველოსთვის კომპენსაციის გადახდა შეუწყობდა, თუ არა ურთიერთობის დათბობას ხელს.

სტრასბურგის სასამართლომ საქართველო რუსეთის წინააღმდეგ (IV) ე.წ. განგრძობადი ოკუპაციის საქმეზე კომპენსაციის შესახებ გადაწყვეტილება გამოაცხადა. რუსეთის ფედერაციას საქართველოს დაზარალებული მოქალაქეების სასარგებლოდ 253 018 000 ევროს გადახდის ვალდებულება დააკისრა.

ოპოზიციონერი დეპუტატი რომან გოცირიძე სტრასბურგის სასამართლოს გადაწყვეტილებას ეხმაურება, რომლის თანახმადაც რუსეთს საქართველოსთვის 253 მლნ ევროს გადახდა დაეკისრა. გოცირიძე წერს, რომ სულ რუსეთს საქართველოსთვის კომპენსაციის სახით €393 მლნ-ის გადახდად დაეკისრა, მაგრამ "საქართველოს ხელისუფლებას არასდროს მიუმართავს რუსეთისათვის ამ თანხის მისაღებად", რადგან "არ უნდათ გაანაწყენონ ოკუპანტიდან "მეგობრად" გარდაქმნილი დამნაშავე სახელმწიფო".