ცესკოს წინასწარი შედეგებით, 2025 წლის თვითმმართველობის არჩევნებში თბილისსა და რეგიონებში ქართულმა ოცნებამ გაიმარჯვა და შემდეგი ოთხი წლის განმავლობაში თბილისის მერი კახა კალაძე იქნება.

4 ოქტომბერს გამართული თვითმმართველობის არჩევნების წინასწარი შედეგების მიხედვით, ბარიერი ოთხმა პარტიამ გადალახა: ქართულმა ოცნებამ ხმების 70.05% აიღო, ლელო — ძლიერი საქართველომ — 9.93%, გირჩმა — 7.69%, კონსერვატორებმა საქართველოსთვის — 4.3%. პარტიამ გახარია — საქართველოსთვის 3.1% მიიღო, ბარიერი ვერ გადალახა და საკრებულოში მანდატები ვერ მოიპოვა.

თბილისის საკრებულო 50 წევრისაგან შედგება. აქედან 25 მაჟორიტარული წესით ირჩევა, 25 — პროპორციულით. რაც შეეხება იმას, როგორ გადანბაწილდება მანდატები საკრებულოში — პარტიული სიის მიერ მიღებული ხმების რაოდენობა მრავლდება 25-ზე და იყოფა იმ პარტიების მიერ მიღებული ხმების რაოდენობათა ჯამზე, რომლებმაც მიიღეს არჩევნებში მონაწილეთა ხმების არანაკლებ 4%-ისა. მიღებული რიცხვის მთელი ნაწილი არის პარტიული სიის მიერ მიღებული მანდატების რაოდენობა.

ამ პრინციპით, თბილისის საკრებულოს 50 დეპუტატიდან "ქართულმა ოცნებამ" 25 მანდატი მაჟორიტარული წესით მიიღო, 20 — პროპორციულით. დანარჩენი 5 მანდატიდან 2 მანდატი შეხვდა "ლელოს", 2 — "გირჩს", 1 — "კონსერვატორებს".

თბილისი პროპორციული

თბილისი პროპორციული

ფოტო: ცესკო