ქუთაისის ნაფიც მსაჯულთა სასამართლომ ძმის განზრახ მკვლელობაში ბრალდებული დამნაშავედ სცნო. ბრალდებულს 10 წლით თავისუფლების აღკვეთა მიუსაჯეს.

პროკურატურის თქმით, 2017 წლის 8 იანვარს ალკოჰოლური თრობის ქვეშ მყოფმა ბრალდებულმა შელაპარაკების ნიადაგზე თავის ძმას სანადირო თოფიდან ესროლა და ადგილიდან მიიმალა.

უწყების თქმით, ბრალდებული იმავე დღეს დააკავეს. გამოძიება სისხლის სამართლის კოდექსის 108-ე მუხლით (განზრახ მკვლელობა) მიმდინარეობდა, რაც ითვალისწინებს თავისუფლების აღკვეთას შვიდიდან თხუთმეტ წლამდე.