m2-ის საზოგადოებასთან ურთიერთობათა სამსახურის ხელმძღვანელი, დათო გორგილაძე ამბობს, რომ კომპანიას ცენტრ პოინტი არ უყიდია და არც ყიდვის სურვილი აქვს. ამის შესახებ გორგილაძემ On.ge-ს ცენტრ პოინტის სამეთვალყურეო საბჭოს თავმჯდომარის, გუკა რჩეულიშვილის მიერ გავრცელებული ინფორმაციის საპასუხოდ განუცხადა.

"კომპანიას [m2-ს]შეუძლია მონაწილეობა მიიღოს იმ პროცესში, რომელიც ითვალისწინებს დაზარალებულებისთვის ბინების გადაცემას. ამასთან დაკავშირებით კომპანიამ როგორც დაზარალებულებს, ისე პროცესში ჩართულ სხვა პირებს გააცნო საკუთარი ხედვა, თუმცა ჯერჯერობით არაფერია გადაწყვეტილი", - განაცხადა გორგილაძემ.

გუკა რჩეულიშვილმა დღეს განაცხადა, რომ ცენტრ პოინტის ყიდვის სურვილი კომპანია m2-ს აქვს. მისი თქმით, ამ სიტუაციაში ეს ერთადერთი გამოსავალია და უკეთესი პირობების შეთავაზება არავის შეუძლია.