სტრასბურგის სასამართლომ წარმოებაში მიიღო ე.წ. "რუსული კანონის" საქმეზე 19 ჟურნალისტისა და ოპერატორის საჩივარი. ამის შესახებ ინფორმაციას მედიაომბუდსმენი ავრცელებს. მის მიერ გავრცელებულ განცხადებაში წერია, რომ ადამიანის უფლებათა ევროპულმა სასამართლომ საქმის წარმოებაში მიღებასთან დაკავშირებით მათ წერილობით აცნობა.

"2025 წლის 26 სექტემბერს ადამიანის უფლებათა ევროპულმა სასამართლომ "მედიაომბუდსმენს" წერილობით აცნობა, რომ დაიწყო წარმოება ე.წ. "რუსული კანონის" საქმეზე

საქმე "კოკაია და სხვები საქართველოს წინააღმდეგ" დეტალურად აღწერს 2023 წლის მარტში, არაერთი კრიტიკული მედიის ჟურნალისტისა და ოპერატორის დევნას. ისინი სამიზნედ ე.წ."რუსული კანონის" (კანონი "უცხოური გავლენის გამჭვირვალობის შესახებ") წინააღმდეგ, მოქალაქეთა მასშტაბური საპროტესტო აქციების გაშუქების გამო იქცნენ. მედიის მუშაობაში ხელშეშლით ძალოვნები ცდილობდნენ არ გასაჯაროებულიყო მშვიდობიან მოქალაქეთა დარბევის და ძალის გადამეტების შემთხვევები", — წერია გავრცელებულ განცხადებაში.