ახალი ამბები On.ge

ლევან ხაბეიშვილი

9 Sep. 2025, 11:22

"ეს იყო მდინარაძესთან შეთანხმებული. მდინარაძე გახდა ახლა რკინის ხელი. ეს ფაფაცუა აბსოლუტური და დავალება მისცა — მიდით ახლა დაამტკიცეთ რომ კაცები ხართ, ოღონდ დაამტკიცეს, რომ აბსოლუტური ლაჩრები არიან. ქალბატონებს სცემდნენ, აფურთხებდნენ, ხელს ურტყამდნენ. ეს იყო ცხადია შეთანხმებული.

შეთანხმების გარეშე იქ მილიციელები რომ იდგნენ, თავზე რომ დააფურთხეს იმათ, ვინმეს არ დააკავებდნენ? ცხადია, დააკავებდნენ.

უნდა გვესმოდეს, რომ ეს იყო ისტერიკა — ეს გამოვლინებაა, ბოლო ჟამია. ეს ყველაფერი აჩვენებს, რომ ბოლო ჟამი დგას. შეუძლებელია ეს ქართველმა ხალხმა არ გამოიყენოს.

დღეს 8 საათზე მაქსიმალურად ბევრი ხალხი უნდა შეიკრიბოს და პასუხი უნდა იყოს, ცხადია, მშვიდობიანი. ჩვენ უფრო მეტი ვიქნებით ყოველ დღე და 4-ში საერთოდ თქვენ აღარ იქნებით."

განაცხადა "ერთიანი ნაციონალური მოძრაობის" ერთ-ერთმა ლიდერმა, ლევან ხაბეიშვილმა "ტვ პირველისთვის" მიცემულ კომენტარში მელიქიშვილის გამზირზე მომხდარ დაპირისპირებასთან დაკავშირებით.

ცნობისთვის, გუშინ, 8 სექტემბერს მელიქიშვილის გამზირზე თბილისის მერის, კახა კალაძის შტაბთან გამართულ საპროტესტო აქციაზე ოცნების მხარდამჭერები ჟურნალისტებს, სამოქალაქო აქტივისტებსა და რიგით მოქალაქეებს ფიზიკურად გაუსწორდნენ. მედიის დაშავებულ წარმომადგენლებს შორისაა უნგრელი ჟურნალისტი ლასლო მეზეში, რომელიც ამბობს, რომ აქციაზე ტელეფონი წაართვეს და სცემეს.

პუბლიკის განცხადებით, მელიქიშვილის გამზირზე მიმდინარე დაპირისპირების დროს მათი გამოცემის ორ ჟურნალისტს — ალექსანდრე ქეშელაშვილსა და ქეთო მიქაძეს, ჟურნალისტური საქმიანობის შესრულების დროს ფიზიკურად გაუსწორდნენ და ტელეფონები წაართვეს. ალექსანდრე ქეშელაშვილს ტელეფონი დაუბრუნეს, ქეთო მიქაძისთვის ამ დრომდე არ დაუბრუნებიათ. ფიზიკური დაზიანებები აღენიშნება Netgazet-ის ჟურნალისტსაც.

გელა გელაძის უწყებამ გამოძიება სისხლის სამართლის კოდექსის 126-ე მუხლის პირველი პრიმა ნაწილით დაიწყო, რაც ჯგუფურად ჩადენილ ძალადობას გულისხმობს.

0 0

კომენტარები

კვირის ტოპ-5

  1. გიგა ავალიანის საქმეზე არასრულწლოვანი ნ.ი. "ჯანმთელობის ჯგუფურად, განზრახ მძიმედ დაზიანების წაქეზების" მუხლით დააკავეს — საქმის პროკურორი
  2. სტუდენტებმა სახელმწიფო უნივერსიტეტებში სრული დაფინანსების მისაღებად გარკვეული პირობები უნდა დააკმაყოფილონ — მთავრობის ახალი დადგენილება
  3. ორმა მინისტრმა თანამდებობა დატოვა, ერთი სამინისტრო გაუქმდა — საკადრო ცვლილებები მთავრობაში
  4. რა გახდა 24 ივლისს სისტემური ავარიის მიზეზი? — სემეკის სამუშაო ჯგუფის პირველი განმარტება
  5. გიორგი ლეონიძის ქუჩაზე საგზაო მოძრაობა 10 დღით იზღუდება

გირჩევთ

ახლა კითხულობენ

გადახედვა

ცნობილი ბიოჰაკერი მენსტრუალური ციკლის შესახებ ყველაზე ამომწურავი მონაცემების შეგროვებას იწყებს

ბიოჰაკერი ბრაიან ჯონსონის თქმით, ქალების რეპროდუქციული ჯანმრთელობა საკმარისად კარგად არაა შესწავლილი. სწორედ ამიტომ მან…