ოცნების ხელისუფლების ეკონომიკისა და მდგრადი განვითარების მინისტრმა, მარიამ ქვრივიშვილმა საქართველოს სახმელეთო ტრანსპორტის სააგენტოს ხელმძღვანელად ბაკურ მიქაძე წარადგინა.

ოცნების ხელისუფლების ეკონომიკისა და მდგრადი განვითარების სამინისტროს ინფორმაციით, სახმელეთო ტრანსპორტის სააგენტოს ახალ ხელმძღვანელს საჯარო სექტორში ხელმძღვანელ პოზიციებზე მუშაობის დიდი გამოცდილება აქვს. გარდა ამისა, არის ასოცირებული პროფესორი ბიზნესისა და ტექნოლოგიების უნივერსიტეტსა და ასისტენტ-პროფესორი საქართველოს ტექნიკურ უნივერსიტეტში. ბაკურ მიქაძეს მინიჭებული აქვს სამართლისა და საერთაშორისო ურთიერთობების დოქტორის ხარისხი, აგრეთვე არის სამართალმცოდნეობის მაგისტრი.

ცნობისთვის, 15 ივლისს, სახმელეთო ტრანსპორტის სააგენტოს ყოფილმა ხელმძღვანელმა ლევან გამყრელიძემ თანამდებობა "პირადი განცხადების საფუძველზე" დატოვა.