ჩინეთის საგარეო საქმეთა სამინისტროს ცნობით, ჩინეთის პრეზიდენტი სი ძინპინი სომხეთისა და აზერბაიჯანის ლიდერებს, ილჰამ ალიევსა და ნიკოლ ფაშინიანს შეხვდა, რომლებიც ჩინეთში შანხაის თანამშრომლობის ორგანიზაციის სამიტზე დასასწრებად იმყოფებიან.

უწყების ცნობით, სი ძინპინმა მხარდაჭერა გამოხატა სომხეთისა და აზერბაიჯანის შანხაის თანამშრომლობის ორგანიზაციაში გაწევრიანებასთან დაკავშირებით.

"ჩინეთი მხარს უჭერს სომხეთის შანხაის თანამშრომლობის ორგანიზაციაში გაწევრიანებას და მზადაა ითანამშრომლოს მასთან ნამდვილი მრავალმხრივი დამოკიდებულების გამოსაყენებლად და ერთად იმუშაოს ისეთი საზოგადოების მშენებლობის ხელშეწყობის მიზნით, რომელიც ხალხთა ბედს გააერთიანებს", — განაცხადა ჩინეთის ლიდერმა სომხეთის სომხეთის პრემიერმინისტრთან შეხვედრაზე.

აზერბაიჯანის ლიდერის ვებსაიტზე განთავსებული ინფორმაციის თანახმად, ჩინეთის პრეზიდენტმა ხაზი გაუსვა ორ ქვეყანას შორის სავაჭრო ბრუნვის ზრდას, ენერგეტიკის სექტორში, მათ შორის განახლებადი ენერგიის სფეროში თანამშრომლობის გაფართოებას და დიგიტალიზაციას. აღნიშნა რა, რომ აზერბაიჯან-ჩინეთის თანამშრომლობა ასევე ძლიერდება "ერთი სარტყელი, ერთი გზა" პროექტის ფარგლებში, სი ძინპინმა ხაზი გაუსვა ჩინური საქონლის აზერბაიჯანის ტერიტორიის გავლით ტრანსპორტირების მნიშვნელობას და ამ კონტექსტში შეეხო ტრანსკასპიური მარშრუტის მნიშვნელობას.

სი ძინპინმა ხაზი გაუსვა პირდაპირი დიალოგის მნიშვნელობას აზერბაიჯანსა და სომხეთს შორის მდგრადი მშვიდობის უზრუნველყოფის კუთხით. მან ხაზი გაუსვა პეკინის ერთგულებას სხვა ქვეყნების შიდა საქმეებში ჩაურევლობის პრინციპის მიმართ.

თავის მხრივ, ალიევმა აღნიშნა, რომ ჩინეთში სახელმწიფო ვიზიტმა (2025 წლის აპრილში - IF) სერიოზული ბიძგი მისცა ორ ქვეყანას შორის თანამშრომლობის ყოვლისმომცველ განვითარებას, ხაზი გაუსვა ყოვლისმომცველი სტრატეგიული პარტნიორობის შესახებ ხელმოწერილი დოკუმენტის მნიშვნელობას, ნათქვამია ანგარიშში.

პრეზიდენტმა განაცხადა, რომ ჩინეთთან ურთიერთობების განვითარება აზერბაიჯანის საგარეო პოლიტიკის ერთ-ერთი პრიორიტეტული სფეროა.

როგორც უკვე წერდა NEWS.On.ge, ჩინეთმა სტრატეგიული პარტნიორი საქართველო გამარჯვების აღლუმზე არ მიიწვია.