გარემოს ეროვნული სააგენტო აღმოსავლეთ საქართველოში ატმოსფერულ ჰაერში მყარი ნაწილაკების კონცენტრაციის ზრდასთან დაკავშირებით განცხადებას ავრცელებს. სააგენტოს თქმით, აღნიშნული პროცესი, ტრანსსასაზღვრო ხასიათისაა.

"26 აგვისტოდან აღმოსავლეთ საქართველოში, შეინიშნება მყარი ნაწილაკების (PM10 და PM2.5) კონცენტრაციის ზრდა ატმოსფერულ ჰაერში. აღნიშნული პროცესი, ტრანსსასაზღვრო ხასიათისაა და განპირობებულია ჩრდილო-აღმოსავლეთიდან უდაბნოს მტვრის მასების სუსტი გავრცელებით.

საქართველოს გარემოს დაცვისა და სოფლის მეურნეობის სამინისტროს სსიპ გარემოს ეროვნული სააგენტო აგრძელებს ატმოსფერული ჰაერის ხარისხის უწყვეტ მონიტორინგს ავტომატური სადგურების საშუალებით," — წერია განცხადებაში.