გიორგი პატარიძე სპეციალური პენიტენციური სამსახურის ხელმძღვანელის პოზიციაზე ოცნების ხელისუფლების იუსტიციის მინისტრმა პაატა სალიამ გუშინ, 22 აგვისტოს წარადგინა. პატარიძემ პოსტზე ბეჟან ობგაიძე შეცვალა, რომელმაც, უწყების ცნობით, თანამდებობა პირადი განცხადების საფუძველზე, დანიშვნიდან 1 თვეში, გიორგი ბაჩიაშვილის ცემის საქმესთან დაკავშირებით დატოვა.

აღნიშნულ პოზიციაზე დანიშვნამდე გიორგი პატარიძე ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე იყო.

სპეციალური პენიტენციური სამსახურის ახალ ხელმძღვანელს, გიორგი პატარიძეს ჯანდაცვის მინისტრის მოადგილის თანამდებობაზე ყოფნის პერიოდში (16.04.2024-31.12.2024) 66 081,43 ლარი აქვს მიღებული. ამის შესახებ გიორგი პატარიძის ქონებრივი დეკლარაციიდან გახდა ცნობილი, რომელიც მან მიმდინარე წლის 30 ივნისს შეავსო.

წინა თანამდებობაზე ყოფნის დროს მიღებული თანხების გარდა, ქონებრივი დეკლარაციიდან ვიგებთ იმასაც, რომ პატარიძე ჭავჭავაძის გამზირზე 82,4 კვ.მ ბინას ფლობს, რომელიც 2007 წელს 11 536 ლარად შეიძინა. დეკლარაციაში ასახულია გასულ წელს შვილების სწავლაზე დახარჯული თანხაც — ჯამში 11 340 ლარი.

გიორგი პატარიძის ან მისი ოჯახის წევრების სახელზე სხვა უძრავ-მოძრავი ქონების შესახებ დეკლარაციაში არაფერი წერია.

გიორგი პატარიძის დეკლარაცია

გიორგი პატარიძის დეკლარაცია

გიორგი პატარიძის დეკლარაცია

გიორგი პატარიძის დეკლარაცია

გიორგი პატარიძის დეკლარაცია

გიორგი პატარიძის დეკლარაცია