შენების მოძრაობის განცხადებით, თბილისის საკრებულო სოლოლაკის ქედზე ტერიტორიისთვის ლანდშაფტური ზონის სტატუსის შეცვლასა დ პანორამა თბილისისთვის გოლფის მოედნის დამხმარე სათავსოების ასაშენებლად გადაცემას გეგმავს.

მათი თქმით, შპს თაბორა რიზორთსი, რომელიც პანორამა თბილისს აშენებს, 4677 კმ.მ-ის გადაცემას ითხოვს:

"პანორამა თბილისს დღეისათვის აქვს 397 576 კვ.მ ტერიტორია საკუთრებაში, რომელიც განაშენებიანების რეგულირების გეგმის (გრგ) მიხედვით ითვალისწინებდა გოლფის მოედნისა და დამხმარე ინფრასტრუქტურის მოწყობასაც. თუმცა, როგორც დოკუმენტებით ირკვევა, აღნიშნული 397 576 კვ.მ. ამისთვის საკმარისი არ არის."

შენების მოძრაობის განცხადებით, იგივე კომპანია მიწისქვეშა პარკირებისთვის პუშკინის სკვერისა და ხელოვნების მუზეუმს შორის მდებარე 1 900 კვ.მ ფართობის 1 ლარად გადაცემას ითხოვს.

პანორამა თბილისი საქართველოს ყოფილი პრემიერ-მინისტრისა და ქართული ოცნების დამფუძნებლის, ბიძინა ივანიშვილის ინიციატივით შენდება.