დღეს ჟურნალისტ მეგინ კელის თავის ახალ შოუში სტუმრად ლეგენდარული მსახიობები - ჯეინ ფონდა და რობერტ რედფორდი ჰყავდა, რომლებთანაც წამყვანმა მათ ერთობლივი ფილმის, ნეთფლიქსის ახალი დრამის Our Souls at Night-ის შესახებ ისაუბრა.

საუბრის დროს ჟურნალისტმა ფონდას, რომელიც სულ მალე 80 წლის გახდება, სილამაზეს გაუსვა ხაზი და გადაწყვიტა მსახიობისთვის პირდაპირ ეთერში ეთხოვა იმ პლასტიკურ ოპერაციებზე ესაუბრა, რომელიც მას გაკეთებული ჰქონდა.

კითხვამ მსახიობის გაღიზიანება და ჟურნალისტს უთხრა, რომ გადაცემაში ამაზე სასაუბროდ არ იყო მისული.

აშკარა უხერხულობის მიუხედავად ჟურნალისტმა მაინც განაგრძო ამ თემაზე საუბარი, თუმცა ფონდამ მისი გარეგნობის შესახებ გაკეთებულ კომპლიმენტებს მხოლოდ მადლობით უპასუხა, სახეზე კი აშკარა უკმაყოფილება ეტყობოდა.

ლეგენდარულმა მსახიობმა სიტუაციის განმუხტვა სცადა და საუბარი ისევ ფილმზე განაგრძო.