თვალჭრელიძის ქუჩაზე აღსრულების ბიურომ ათობით ოჯახის გამოსახლება დაიწყო.

აღსრულების პოლიციამ ცოტა ხნის წინ განმარტება გააკეთა და აღნიშნა, რომ შენობა ავარიულია, რაც მოგვიანებით სამხარაულის ექსპერტიზამაც დაადასტურა.

არსებული ინფორმაციით, აქამდე აღსრულების ბიურომ ოჯახების გასახლება ორჯერ სცადა, თუმცა ახლა ამ პროცესმა იძულების ხასიათი მიიღო.

"ჩვენი კომპანიის და ჩვენი კომპანიის თითოეული წევრისთვის მნიშვნელოვანია ადამიანის სიცოცხლე და ადამიანის ჯანმრთელობა. აღნიშნულ ობიექტზე აღებულია ექსპერტიზის დასკვნა, რომელი დასკვნითაც ირკვევა შემდეგი: ობიექტი არის დაზიანებული და მიეკუთვნება მე-4 ხარისხის დაზიანებას. არათუ ადამიანების ცხოვრება, ობიექტზე არ შეიძლება ადამიანების შესვლა. არ შეიძლება დათვალიერება შესაბამისი ეკიპირების გარეშე", — განაცხადა ინვესტორმა, რომელსაც შენობა აქვს ნაყიდი ფორმულას ეთერში.