პარლამენტის თავმჯდომარემ, ირაკლი კობახიძემ პრეზიდენტს, გიორგი მარგველაშვილს პარლამენტის რიგგარეშე სხდომის 26 სექტემბერს მოწვევის თხოვნით მიმართა. ამ შინაარსის წერილის გაგზავნის შესახებ ინფორმაციას პარლამენტი ავრცელებს.

პარლამენტი 26 სექტემბერს, 14 საათიდან, რიგგარეშე პლენარულ სხდომაზე საქართველოს კონსტიტუციის ცვლილებების მესამე მოსმენით განხილვას გეგმავს.

საქართველოს პარლამენტმა კონსტიტუციის პროექტი მეორე მოსმენით 23 ივნისს მიიღო. კენჭისყრას სულ 115 დეპუტატი ესწრებოდა, მათ სრულად დაუჭირეს მხარი საკონსტიტუციო ცვლილებებს. პროცესს ბოიკოტი გამოუცხადა ოპოზიციამ.