აფხაზეთის დე–ფაქტო რესპუბლიკის პარლამენტარებმა მიიღეს გადაწყვეტილება, რომლის მიხედვითაც, უნდა აღადგინონ აფხაზური ტოპონიმების "ისტორიული სახელწოდებები". ინფორმაციას ამის შესახებ აფხაზური საინფორმაციო სააგენტოები ავრცელებენ.

15 ივნისის სხდომაზე მიღებული გადაწყვეტილების მიხედვით, სახელწოდება შეეცვლება ზღვისპირა ქალაქ ოჩამჩირეს, რომელიც აფხაზურად ამჟამად წარმოითქმება როგორც ოჩამჩირა. ცვლილების შემდეგ, მისი სახელწოდება იქნება აჩამჩირა.

დე–ფაქტო კანონმდებლების თქმით, ძალიან ბევრი "ისტორიული სახელწოდება" დროთა განმავლობაში შეიცვალა და მიზანი სწორედ აღნიშნულის "გამოსწორებაა".

ოჩამჩირეს გარდა, სახელები ასევე შეეცვლება 90–მდე დასახლებას, გამოიცვლება ყველა საგზაო აღმნიშვნელი და წარწერა, სადაც ძველი სახელწოდებებია დაწერილი.