Lamborghini ქართულ ბაზარზე ფართო სამოდელო რიგით იქნება წარმოდგენილი. შოურუმის ოფიციალურ გახსნამდე პრესკონფერენცია გაიმართა. Automobili Lamborghini-ს პრეზიდენტი და აღმასრულებელი დირექტორი, შტეფან ვინკელმანი ქართულ მედიას შეხვდა. ის აცხადებს, რომ თავდაპირველი მიზანი 30 ერთეულის გაყიდვაა, რაც რეალისტურ შეფასებებს ემყარება და ამავე დროს ამბიციურ პოზიციონირებაზე მიუთითებს. იტალიური სუპერქარის ოფიციალური წარმომადგენელი საქართველოში თეგეტა ჰოლდინგია.

ფოტო: თეგეტა

“ვპირდებით მომხმარებელს, რომ გადავაჭარბებთ მათ მოლოდინებს და განსაკუთრებულ გამოცდილებას შევთავაზებთ. ჩვენი სამომავლო ხედვები არ ემყარება მხოლოდ გაყიდვების ზრდას, ჩვენ ორიენტირებულnი ვართ ინოვაციური, ტექნოლოგიურად დახვეწილი პროდუქტების განვითარებასა და დანერგვაზე. კომპანიამ უკვე განაახლა სამოდელო რიგი და ყველა ავტომობილი ახლა ჰიბრიდული სისტემით არის აღჭურვილი. ათწლეულის ბოლომდე კი Lamborghini აპირებს GT 2000-ის სრულიად ახალი, მეოთხე მოდელის გამოშვებას, რაც კიდევ უფრო გააძლიერებს ბრენდის პოზიციას პრემიუმ სეგმენტში და მომხმარებლებისთვის არჩევანს გააფართოებს, მათ შორის საქართველოშიც“, — ამბობს Automobili Lamborghini-ს პრეზიდენტი.

Lamborghini ბაზრის ეტაპობრივ ზრდას თავის პარტნიორ, თეგეტასთან, ერთად გეგმავს. ჰოლდინგი მსოფლიო ბრენდის ერთადერთი და ოფიციალური წარმომადგენელია საქართველოში.