მამის დღესთან (15 ივნისი) დაკავშირებით, ბრიტანეთის სამეფო ოჯახმა ახალი ფოტოები გაგვიზიარა. გამოქვეყნებული ფოტოებიდან პირველი პორტრეტია, რომელშიც პრინცი უილიამი დგას პრინც ჯორჯსა (11 წლის) და პრინცესა შარლოტაზე (10 წლის) ხელებმოხვეული, 7 წლის პრინცი ლუი კი წინ უდგას.

მეორე ფოტო კი შავ-თეთრია და ასახავს იმავე ოთხეულს, რომლებიც ბალახზე წვანან და ჩახუტებულნი იცინიან.

ფოტო: Josh Shinner

ფოტო: Josh Shinner


ეს ფოტოები წყვილის ოფიციალურ სოციალური მედიის გვერდზე გამოქვეყნდა და თან ახლდა წარწერა:

გილოცავთ მამის დღეს, მამა, გვიყვარხარ! G, C & L

ფოტოების გამოქვეყნება მეფის დაბადების დღისთვის მიძღვნილ ღონისძიებას მოჰყვა — Trooping the Colour, რომელსაც სამეფო ოჯახიც დაესწრო.

შაბათის ღონისძიებიდან საოჯახო ფოტო გავრცელდა ასევე პრინცისა და პრინცესას ინსტაგრამის გვერდზე. მასზე გამოსახულია უნიფორმაში გამოწყობილი პრინცი უილიამი, ქეითი და შარლოტა — ლურჯ კაბებში, ხოლო ჯორჯი და ლუი — კოსტუმებში, წითელი ჰალსტუხებით.

Trooping the Colour

Trooping the Colour

მამის დღის ფოტოები გადაღებული იყო ქალაქ ნორფოლკში, ჯოშ შინერის მიერ, რომელსაც პრინცი უილიამისა და ქეთრინის ოჯახისთვის მანამდეც გადაუღია ფოტოები, მათ შორის მათი 2023 წლის საშობაო ბარათისთვისაც.

გასული წლის მამის დღის ფოტო კი თავად ქეითმა გადაიღო. მასზე გამოსახული იყო პრინცი თავის 3 შვილთან ერთად, რომლებიც ერთმანეთზე შემოხვეული მკლავებით გაჰყურებდნენ ზღვას.

მამის დღე, 2024

მამის დღე, 2024

მეფე და დედოფალი

მამების დღე ყველას მიულოცეს მეფემ და დედოფალმაც. მათ გამოაქვეყნეს თავიანთ მამებთან ერთად გადაღებული ფოტოები.

პირველი არის გარდაცვლილი პრინცი ფილიპის შავ-თეთრი ფოტო, რომელშიც ის ახალგაზრდა ჩარლზსა და პრინცესა ანას საქანელაზე აქანავებს.

ასევე გავრცელდა მეორე ფოტოც, რომელზეც გამოსახულია კამილა თავის გარდაცვლილ მამასთან — მეიორ ბრიუს შანდთან ერთად. ფოტოში ისინი ხელი-ხელ გაყრილები დგანან კამილასა და ჩარლზის ქორწილში, 2005 წელს.

პრინცი ფილიპი ჩარლზთან და ანასთან

პრინცი ფილიპი ჩარლზთან და ანასთან

ფოტო: theroyalfamily

დედოფალი კამილა მამასთან

დედოფალი კამილა მამასთან