შინაგან საქმეთა სამინისტროს განცხადებით, 2017 წლის აგვისტოდან პარიზის ინტერპოლის მიერ ძებნილი, ბავშვთა გაუპატიურებასა და პორნოგრაფიის გავრცელებაში ბრალდებული, უკრაინის მოქალაქე ბათუმში დააკავეს.

უწყების ინფორმაციით, დაკავებულს ბრალი ედება საფრანგეთის სისხლის სამართლის კოდექსის 222–22, 222–23, 222–24, 227–22 და 227–23 მუხლებით გათვალისწინებული დანაშაულის ჩადენაში, რაც ბავშვთა წინააღმდეგ მიმართულ დანაშაულს, პორნოგრაფიის გავრცელებასა და გაუპატიურებას გულისხმობს.

შსს-ს თქმით, საქართველოს მთავარი პროკურატურის მიერ წინასაექსტრადიციო პროცედურები ხორციელდება.