დმანისის გამგებელი, გოგი ბარბაქაძე და საკრებულოს თავმჯდომარე, ლერი ბერუაშვილი 2017 წლის თვითმმართველობის არჩევნებისთვის ქართული ოცნებიდან შენების მოძრაობაში გადავიდნენ. გამგებლისა და საკრებულოს თავმჯდომარის მსგავსად ახალ მოძრაობას გამგებლის პირველი მოადგილე, ზაზა გოშუანი და ქართული ოცნების სხვა დეპუტატები შეუერთდნენ.

როგორც შენების მოძრაობაში ამბობენ, ქართული ოცნებიდან მათ 11 ადამიანი შეუერთდა.

ქართულ ოცნებაში On.ge-ს სატელეფონო ზარებს არ უპასუხეს, თუმცა ნეტგაზეთთან საუბრისას წევრების პარტიიდან წასვლა დაადასტურეს.

როგორც შენების მოძრაობაში ამბობენ, დმანისის გამგებელი მერობისთვის იბრძოლებს, საკრებულოს თავმჯდომარე კი იმავე თანამდებობის დასაკავებლად.