აზერბაიჯანში საინფორმაციო სააგენტო Sputnik-ის ადგილობრივი განყოფილება, რომელიც მედიაჯგუფ "როსია სეგოდნიას" ნაწილია, დახურეს. ამის შესახებ Report-ს აზერბაიჯანის საგარეო საქმეთა სამინისტროს პრესმდივანმა, აიჰან ჰაჯიზადემ განუცხადა.

მან განმარტა, რომ რუსულ კომპანიას აზერბაიჯანში მხოლოდ ერთი კორესპონდენტის აკრედიტაცია შეუძლია.

რამდენიმე დღით ადრე Sputnik მოლდოვას დახურვის შესახებ გავრცელდა ინფორმაცია. ქვეყნის ხელისუფლებამ მისი Telegram არხი გაფრთხილების გარეშე დაბლოკა.

თებერვლის დასაწყისში აზერბაიჯანის ხელისუფლებამ მოსკოვს გაუგზავნა ნოტა ბაქოში რუსული საინფორმაციო და კულტურული ცენტრის — "რუსული სახლის" საქმიანობის შეწყვეტის შესახებ. აზერბაიჯანის საგარეო საქმეთა სამინისტრომ განაცხადა, რომ ცენტრი არ არის რეგისტრირებული, როგორც იურიდიული პირი და „სერიოზულად არღვევს ქვეყნის კანონმდებლობას“.

ცენტრის დახურვის შემდეგ, რუსეთის საგარეო საქმეთა სამინისტრომ გამოაცხადა მოსკოვის მზადყოფნა "გაატაროს საჭირო ქმედებები რეგისტრაციის დასასრულებლად" და გამოთქვა იმედი, რომ საკითხის პოზიტიური გადაწყვეტა.