გერმანიაში, მიუნხენში, სავარაუდოდ, ტერორისტული თავდასხმა მოხდა — ავტომობილი ხალხის ჯგუფში შევარდა და, სულ მცირე, 28 ადამიანი დააზიანა. პოლიციის განცხადებით, მძიმედაა დაშავებული 2 პირი.

ავტომობილის მძღოლი თავშესაფრის მაძიებელი 24 წლის ავღანელი ახალგაზრდაა — პოლიციამ ის ადგილზე დააკავა.

ინციდენტი სატრანსპორტო კავშირ Verdi-სთან დაკავშირებულ საპროტესტო აქციაზე მოხდა, ადგილობრივი დროით 10:30 საათზე.

შემთხვევის ადგილიდან, დაახლოებით, 1.5 კილომეტრში 14 თებერვალს სტარტს იღებს მიუნხენის უსაფრთხოების კონფერენცია, რომელსაც მსოფლიოს არაერთი ლიდერი, მათ შორის უკრაინის პრეზიდენტი ვოლოდიმირ ზელენსკი და აშშ-ის ვიცე პრეზიდენტი ჯეიმს ვენსი ესწრებიან — ადგილობრივი მაღალჩინოსნების განცხადებით, დიდი ალბათობით, შემთხვევა კონფერენციასთან კავშირში არ არის.