"დიახ, დახურეთ, მათ აღარავინ უსმენს", — ამის შესახებ ამერიკელმა მილიარდერმა და აშშ-ის მთავრობის ეფექტურობის დეპარტამენტის (DOGE) ხელმძღვანელმა ილონ მასკმა X-ზე დაწერა. მისი თქმით, ისინი რადიკალი მემარცხენე შეშლილები არიან.

"დიახ, დახურეთ, მათ აღარავინ უსმენს. ესენი მხოლოდ რადიკალი მემარცხენე შეშლილები არიან, რომლებიც საკუთარ თავს ელაპარაკებიან და ამერიკელი გადასახადების გადამხდელთა 1 მილიარდ დოლარს ხარჯავენ წელიწადში", — დაწერა მასკმა შეერთებული შტატების სპეციალური წარმომადგენლის, რიჩარდ გრენელის განცხადებაზე.

გრენელის თქმით, რადიო თავისუფლება და ამერიკის ხმა აშშ-ის გადასახადის გადამხდელების მიერ ფინანსდება, მაგრამ აშშ-ს მთავრობის პოლიტიკას არ ატარებენ, ამიტომ რასაც ისინი აკეთებენ "ღალატია".

"რადიო თავისუფლება ევროპა, რომელიც აშშ-ის გადასახადის გადამხდელების მიერ ფინანსდება, მუშაობს იმაზე, რომ ძირი გამოუთხაროს პრეზიდენტ ტრამპს", — წერს რიჩარდ გრენელი X-ზე.

გრენელი კიდევ ერთ ტვიტში ამერიკის ხმას მიმართავს:

"თქვენ ხომ აშშ-ის გადასახადის გადამხდელების მიერ ფინანსდებით? რატომ მუშაობთ პრეზიდენტ ტრამპის რეფორმების და გეგმების წინააღმდეგ?

თქვენ არავის აურჩევიხართ.

არ იქნებ გადაჭარბებული იმის თქმა, რომ ეს ღალატია. თქვენ არ შეგიძლიათ იმუშაოთ აშშ-ს ოფიციალური მთავრობის პოლიტიკის წინააღმდეგ, და მიიღოთ ხელფასი გადასახადის გადამხდელებისგან.

სასწრაფოდ დასათხოვები ხართ სამსახურიდან", — წერს გრენელი.