თეა წულუკიანი: საჯარო მოხელეებში, მოსამსახურეეებში, ძალოვან სტრუქტურებშიც კი და პოლიტიკური თანამდებობის პირებში არის დაუცველობის სრული განცდა

6 Feb. 2025, 14:42

"საუბარია თავდასხმაზე. თავდასხმა ვერ იქნება ყველანაირი გამონათქვამი. თავდასხმა თავის თავში, რა თქმა უნდა, მოქმედებას გულისხმობს, მაგრამ ეს ვერ იქნება, მაგალითად, თუ ვინმე მეტყვის - შე ლილიპუტო, ან რამე რაღაცამდაგვარს, რაც ხშირად გვსმენია, მონა და ა.შ.

მე არ მგონია, რომ ასეთი ტიპის თავდასხმაზეა საუბარი, თავდასხმა შეიძლება იყოს ვერბალურიც, მაგრამ უნდა იყოს თავდასხმის მახასიათებლებიც. მე თუ ასეთ "თავდასხმებს" არ აღვიქვამ სერიოზულად, მე თვითონ გამიჭირდება, ამას მივცე თავდასსხმის კვალიფიკაცია, მაგრამ აქაც იგივეა, რაც წინა შემთხვევაში — საჯარო მოხელეებში, მოსამსახურეეებში, ძალოვან სტრუქტურებშიც კი და პოლიტიკური თანამდებობის პირებში არის დაუცველობის სრული განცდა. ეს ძალიან ცუდია სახელმწიფოსთვის.

მე რა თქმა უნდა, მაქვს როგორც ერთ პოლიტიკური თანამდებობის პირს თმენის ვალდებულება და მგონია, რომ ყველაფრით, უკვე მეცამეტე წელია, დავამტკიცე, რომ ამ თმენის ვალდებულებას ღირსეულად ვუსწორებ მე პირადად თვალს, მაგრამ არანაირი ამგვარი თმენის ვალდებულება არ უნდა ჰქონდეს ჩემი ოჯახის წევრებს... მათ არ აურჩევიათ საჯარო პირად ყოფნა, შესაბამისად, როდესაც თქვენი კოლეგაბ ტელევიზიები არაერთხელ დარეკავენ კარზე ზარს, მოხუც მშობელს ჰგონია, რომ სტუმარი მოვიდა, გააღებს კარს და ოჯახში იჭრება ოპერატორი და ჟურნალისტი, დარბის ოთახიდან ოთახში, აი, ამაზე უნდა კარგად ვიმსჯელოთ, სამოსამართლო პრაქტიკა უნდა ჩამოყალიბდეს, რადგან ეს ცალსახად არის პირად სივრცეში შეჭრა და ეს უნდა ისჯებოდეს მკაცრად".

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ

ჩინეთს დედამიწის ორბიტაზე მონაცემთა ცენტრების განთავსება სურს