არანაირი რეპრესიები არ არსებობს, არსებობს. ეს არის თქვენს მიერ მოგონილი სიცრუე, — ამის შესახებ დედაქალაქოს ემრმა, კახა კალაძემ ჟურნალისტებთან "შეკრებისა და მანიფესტაციის შესახებ" კანონში ცვლილებებზე საუბრისას განაცხადა. მისი თქმით, ქვეყენაში სიტყვისა და გამოხატვის თავისუფლება დაცულია და ნებისმიერ ადამიანს შეუძლია გამოხატოს თავისი მოსაზრება.

"პირველ რიგში, ვიტყვი იმას, რომ არანაირი რეპრესიები არ არსებობს. ეს არის თქვენს მიერ მოგონილი სიცრუე. იგივე ხდებოდა "გამჭვირვალობის კანონთან" დაკავშირებითაც, რომელიც შეფუთეთ როგორც "რუსული კანონი". როცა ჩვენ ხალხს სიმართლეს ვეუბნებოდით, თქვენ ამას უარყოფდით, დღეს უკვე, ამერიკის შეერთებული საუბრობს ამ ყველაფერზე, თუ როგორ გამოიყენებოდა არასამთავრობო ორგანიზაციების თანხები. ძირითადად გამოიყენებოდა იმისთვის, რომ ხალხის მიერ ლეგიტიმურად არჩეული მთავრობები გადაეყენებინათ, რევოლუციები და სახელმწიფო გადატრიალებები მოეწყოთ. თუმცა, ეს დასაწყისია. ჯერ სად ხართ?! კიდევ იმდენ რამეს გავიგებთ და ეცოდინება, როგორც მსოფლიოს, ასევე ჩვენი ქვეყნის მოსახლეობას.

სიტყვისა და გამოხატვის თავისუფლება ჩვენს ქვეყანაში დაცულია. ნებისმიერ ადამიანს შეუძლია გამოხატოს თავისი მოსაზრება, მაგრამ არა ისე, როგორც ამას თქვენ აკეთებთ და როგორც თქვენ გინდათ, ეს არ გამოვა. ქვეყანაში იქნება სიმშვიდე. ის ძალადობრივი ქმედებები, რასაც თქვენ აკეთებდით თქვენი თქვენი ტელევიზიის ჩართულობით, იმ ადამიანებით, ვისაც ახალისებდით, უამრავი ადამიანი დაღუპეთ, უამრავ ადამიანს აურიეთ ცხოვრება, თქვენ ხართ მთავარი, რადგან ყოველდღიურად წამლავთ მოსახლეობას, წამლავთ ახალგაზრდობას ცრუ, არასწორი ინფორმაციით და ხელს უწყობთ პოლარიზაციას, დაპირისპირებას, რა თქმა უნდა, ჩვენ არავისთან არაფერი გვაქვს დასაპირისპირებელი. ვიღაცას შეუძლია თავისი მოსაზრება გამოხატოს სხვადასხვა საკითხთან დაკავშირებით, ყველას ერთნაირი მოსაზრება ვერ გვექნება, ეს ნორმალურია და განსხვავებული აზრი უნდა არსებობდეს, მაგრამ ძალადობრივი ქმედებები კატეგორიულად მიუღებელია", — განაცხადა თბილისის მერმა, კახა კალაძემ.