მიხეილ ყაველაშვილი: მსურს, მადლობა გადავუხადო თითოეულ პოლიციელს, საკუთარი სიცოცხლის რისკის ფასად რომ იცავენ ჩვენი მოქალაქეების უსაფრთხოებას

4 Feb. 2025, 13:43

"ქვეყნის სამსახურში დაუღალავად ყოფნისთვის, მსურს, მადლობა გადავუხადო საქართველოს თავდაცვის ძალებს, უკლებლივ ყველა ჯარისკაცს, ასე ღირსებით და ამაყად რომ ატარებენ სამხედრო ფორმას, თითოეულ პოლიციელს, საკუთარი სიცოცხლის რისკის ფასად რომ იცავენ ჩვენი მოქალაქეების უსაფრთხოებას და წესრიგს ქვეყანაში; მადლობა მეხანძრე-მაშველებს თავდაუზოგავი შრომისთვის;

დიდი მადლობა ღირსეულ, პატრიოტ საჯარო მოხელეებს, რომლებიც პატიოსნად ასრულებენ დაკისრებულ მოვალეობას და უზრუნველყოფენ სახელმწიფოს გამართულ ფუნქციონირებას; მადლობა ექიმებს, რომლებიც ყოველდღიურად იბრძვიან ჩვენი სიცოცხლისა და ჯანმრთელობის გადასარჩენად;

განსაკუთრებული სითბო და სიყვარული მინდა გამოვხატო ჩვენი პროფესორ მასწავლებლების მიმართ, რომლებმაც არაერთი თაობა აღზარდეს და რა თქმა უნდა, მათი ღვაწლი ფასდაუდებელია; მადლობა თითოეულ სპორტსმენს და კულტურის სფეროს წარმომადგენელს, ვინ საკუთარი გამარჯვებითა და წარმატებით აერთიანებს საქართველოს;

მადლობა თითოეულ ადამიანს, ვინ საკუთარ საქმეს თავდაუზოგავად ასრულებს და თავის წილ პატარა აგურს დებს ჩვენი ქვეყნის მშენებლობაში".

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ