"თბილისი მოლთან" გამართული საპროტესტო აქციის მონაწილეებს პოლიცია ფიზიკურად გაუსწორდა — ძალადობრივად დაკავებულია ათზე მეტი მომიტინგე. დაკავებულებს შორის არიან პოლიტიკოსებიც: ნიკა მელია, გიორგი კირთაძე, თენგო თევზაძე, გიგი უგულავა და დიმა ბიძინაშვილი.

დაშავებულებს შორისაა TV პირველის ოპერატორი ნიკო კოკაიაც.

დაშავების მომენტში ის დემონსტრანტის ძალადობრივად დაკავებას აშუქებდა პირდაპირ ეთერში.

ასევე, TV პირველმა გაავრცელა კადრები, რომლებშიც ასახულია თუ როგორ ძალადობს ფიზიკურად მომიტინგეზე შსს-ის გადაუდებელ დავალებათა დეპარტამენტის ხელმძღვანელი ზვიად ხარაზიშვილი (ხარება).

ონლაინმედია მაუწყებელი ავრცელებს კადრებს, რომლებშიც ასახულია პოლიციის მხრიდან მომიტინეებზე ძალადობა.