"ტვ პირველის" ოპერატორი ნიკო კოკაია "თბილისი მოლთან" მიმდინარე აქციაზე დღეს 2თებერვალს დაშავდა.

დაშავების მომენტში ის დემონსტრანტის ძალადობრივად დაკავებას აშუქებდა პირდაპირ ეთერში.

"ნიკო მოვიკითხე და პასუხად ეს ფოტო რომ გამომიგზავნა, საშინელი ტკივილი ვიგრძენი. მომწერა, რომ მალა გადარჩა, საბედნიეროდ, მოტეხილობა არ არის, ექიმები აგრძელებენ კვლევას და დაკვირვებას. ჯანმრთელობა ნიკოს და გამარჯვება ჩვენ!
დღევანდელმა დღემ კიდევ ერთხელ დაგვანახა, რომ ივანიშვილს ხალხის ძალის ეშინია, იცის, რომ ბევრი ვართ, იმდენი ვართ, რომ შეგვიძლია მაგისტრალები გადავკეტოთ და კანონიც ამიტომ შეცვალეს! ერთად ძლიერები ვართ! ბრძოლა გრძელდება!" — დაწერა ჟურნალისტმა გურამ როგავამ სოციალურ ქსელში

ცნობისთვის, პროევროპულ აქციებზე, სამსახურებრივი მოვალეობის შესრულებისას, ნიღბიანმა სპეცრაზმელმა სცემა ჟურნალისტ გურამ როგავას.

მისი ჯანმრთელობის მდგომარეობა მძიმე იყო და რეაბილიტაციას რამდენიმე თვე დასჭირდა.
როგავა ამბობს, რომ დღემდე იდენტიფიცირებულიც არ არის პირი, რომელმაც მას რუსთაველის გამზირზე დაარტყა.