"სოციალური სამართლიანობის ცენტრის" ხელმძღვანელი, იურისტი თამთა მიქელაძე სამოქალაქო აქტივისტების სახლებში ჩატარებულ ჩხრეკასა და დაპატიმრებებს ეხმაურება.

მისი თქმით, ჩხრეკის შედეგად წაღებულია დროშები, პლედები, პროტესტის ბრენდირებული ნივთები, კომპიუტერები და მეხსიერების ბარათები.
რაც აბსურდი, ტერორი და არაადამიანობაა.

"ნენსი ვოლანდი მას შემდეგ გახდა ცუდად, რაც პოლიციამ კედელთან მიიმწყვდია და დაკითხვაზე გაყოლა მოსთხოვა. "ან შენით წამოხვალო, ან უშნო რაღაცების გაკეთება მოგვიწევსო".

"ისაკო დევიძის სახლის ჩხრეკის შემდეგ ოჯახი დედის ოპერაციისთვის სესხად აღებულ 2000 ლარს ვეღარ პოულობს".

"ჩხრეკაა, ზუსტად იგივე საქმეა, თუმცა ხელახლა დაიწყეს ეს საქმე, როგორც ჩანს. ზუსტად იგივე გააკეთეს, ისევ ჩხრეკაა, ოღონდ ახლა გადავყავარ განყოფილებაში", — აცხადებს ილია ღლონტი.

ჩხრეკის შედეგად წაღებულია დროშები, პლედები, პროტესტის ბრენდირებული ნივთები, კომპიუტერები და მეხსიერების ბარათები.

აბსურდი!

ტერორი!

არაადამიანობა!" — წერს თამთა მიქელაძე სოციალურ ქსელში.


შსს-ს თანამშრომლებმა "დაიტოვეს" ადმინი ილია ღლონტი, სახლის ჩხრეკის შემდეგ, განყოფილებაში გადაიყვანეს. მეორედ დააკავეს აქტივისტი ისაკო დევიძე. "მთავარი არხის" ინფორმაციით, საპოლიციო ძალებმა კიდევ ერთი მოქალაქის, სანდრო ჭითანავას სახლი გაჩხრიკეს და ის პოლიციაში წაიყვანეს.

რაც შეეხება "დაიტოვეს" კიდევ ერთ ადმინის, ნენსი ვოლანდს, მის სახლში ჩხრეკა ჩატარდა.
ამის პარალელურად, შსს-მ განცხადება გაავრცელა, სადაც წერია, რომ ჯგუფური ძალადობის ორგანიზებისა და ჯგუფური მოქმედების ორგანიზების ფაქტზე სამართალდამცველები თბილისის მასშტაბით, სხვადასხვა ლოკაციაზე, საგამოძიებო მოქმედებებს ატარებენ და ხორციელდება საქმესთან შემხებლობაში მყოფი პირების პირადი და სახლების ჩხრეკა.