ვაშინგტონში ვიზიტად მყოფი სალომე ზურაბიშვილი "ბათუმელების" და "ნეტგაზეთის" დამფუძნებელს, მზია ამაღლობელს მხარდაჭერას უცხადებს და პლატფორმა X-ზე წერს:

"მზია ამაღლობელო, შენ მარტო არ ხარ ამ ისტორიულ ბრძოლაში საქართველოს თავისუფლებისათვის“.

წინა დღეს კი მეხუთე პრეზიდენტმა, X-ზე დაწერა:

"მშვიდობიანი საპროტესტო აქციების დროს დაკავებულმა და შეურაცხყოფილმა ქალმა ჟურნალისტმა, "ბათუმელები" დირექტორმა მზია ამაღლობელმა შიმშილობა დაიწყო. ის ყველას მოუწოდებს, არ დათმონ, არ დანებდნენ".

14 იანვარს ბათუმის საქალაქო სასამართლოს მოსამართლემ, ნინო სახელაშვილმა პროკურატურის შუამდგომლობა დააკმაყოფილა და ნეტგაზეთისა და ბათუმელების დამფუძნებელს, მზია ამაღლობელს აღკვეთის ღონისძიების სახით პატიმრობა შეუფარდა.