დღეს, 14 იანვარს ბათუმის საქალაქო სასამართლოს მოსამართლე ნინო სახელაშვილმა ბათუმელებისა და ნეტგაზეთის დირექტორს, მზია ამაღლობელს წინასწარი პატიმრობა შეუფარდა.

მან გაიზიარა ბრალდების მხარის პოზიცია, რომ "მომეტებულად საფუძვლდება ბრალდებულის მხრიდან ახალი დანაშაულის ჩადენის და მტკიცებულებების განადგურების საფრთხე" და დააკმაყოფილა პროკურორის შუამდგომლობა მზია ამაღლობელის წინააღმდეგ პატიმრობის გამოყენების შესახებ.

იუსტიციის უმაღლესი საბჭოს ვებგვერდზე განთავსებული ინფორმაციით მიხედვით, ნინო სეხნიაშვილი ქუთაისში დაიბადა 1989 წელს. ტექნიკური უნივერსიტეტის ჰუმანიტარულ-სოციალური ფაკულტეტის დასრულების შემდეგ საქართველოს ტექნიკური უნივერსიტეტის ბიზნეს-ინჟინერინგის მაგისტრატურა დაამთავრა.

2011 წელს ნინო სეხნიაშვილმა ჩააბარა ადვოკატის საკვალიფიკაციო გამოცდა სამოქალაქო სამართლის სპეციალიზაციით და გაიარა მოსამართლის თანაშემწის სასწავლო კურსი. 2019 წელს კი სამოქალაქო და ადმინისტრაციული სამართლის სპეციალიზაციაში მოსამართლეობის საკვალიფიკაციო გამოცდა ჩააბარა.

რაც შეეხება სამუშაო გამოცდილებას, ის იყო იურიდიული კონსულტანტი, სტაჟიორი საქართველოს ტექნიკური უნივერსიტეტის იურიდიულ კლინიკასა და თბილისის სააპელაციო სასამართლოში, თბილისის საქალაქო სასამართლოს მომსახურების ცენტრის წამყვანი სპეციალისტი, მოსამართლის სხდომის მდივანი და თანაშემწე.

ნინო სეხნიაშვილის სამოსამართლეო კარიერა 2022 წლიდან იწყება. ამ დროიდან ის ბათუმის საქალაქო სასამართლოს სამოქალაქო საქმეთა კოლეგიის მოსამართლეა.