Reuters-ი ხორვატიის სახელმწიფო საარჩევნო კომისიაზე დაყრდნობით ინფორმაციას ავრცელებს და წერს, რომ წინასწარი მონაცემებით, ხორვატიის საპრეზიდენტო არჩევნების მეორე ტურში მოქმედი პრეზიდენტი, ზორან მილანოვიჩი ლიდერობს.

იმავე ინფორმაციით, 98,65%-ზე არის დათვლილი ამომრჩევლების ხმები საარჩევნო უბნებზე.

"სოციალ-დემოკრატიული პარტიის" წევრი, მილანოვიჩი, წინასწარი მონაცემებით ხმების 74,58%-ით ლიდერობს, ხოლო "ხორვატიის დემოკრატიული კავშირის" წევრმა, და მისმა ოპონენტმა დრაგან პრიმორაცმა ხმების 25,42% მოიპოვა.

ცნობისთვის, ხორვატიაში საპრეზიდენტო არჩევნების მეორე ტური გუშინ გაიმართა, რომელშიც ამომრჩეველთა აქტივობა 44,15% იყო.