საქართველო ყოველთვის გრძნობს ლიეტუვას ძლიერ მხარდაჭერას ევროპულ გზაზე, — ამის შესახებ სოციალურ ქსელში საქართველო მე-5 პრეზიდენტი სალომე ზურაბიშვილი სოციალურ ქსელში წერს და 1991 წლის იანვრის მოვლენებს იხსენებს, რომელიც “ვილნიუსის სისხლიანი კვირითაა“ ცნობილი.

"1991 წლის 13 იანვარს მამაცმა და ერთიანმა ლიეტუველმა ხალხმა დაიცვა დამოუკიდებლობა. ამ მნიშვნელოვან დღეს

საქართველო დგას ლიეტუველებთან და მის ხალხთან ერთად! საქართველო ყოველთვის გრძნობს ლიეტუვას ძლიერ მხარდაჭერას ევროპულ გზაზე", — წერს ზურაბიშვილი.

1991 წლის 11 იანვრიდან 13 იანვრამდე პერიოდი ცნობილია, როგორც ვილნიუსის სისხლიანი კვირა, როცა ადგილი ჰქონდა საბჭოთა სპეცდანიშნულების რაზმების მიერ ლიეტუვის მთავრობის არაკანონიერად დამხობის მცდელობას. პარლამენტის შენობისა და ვილნიუსის ტელეანძის დაცვის დროს 14 შეუიარაღებელი მშვიდობიანი დემონსტრანტი დაიღუპა და დაიჭრა 702. იანვრის მოვლენების შედეგად მოხდა ლიეტუვის სახელმწიფოებრიობის საბოლოო აღდგენა.