აქციაზე დაშავებული 22 წლის ალექსანდრე თირქია კლინიკიდან გაწერეს.

ის პოლიციამ 3 დეკემბერს დააკავა, რის შემდეგაც ნაცემი ინგოროყვას კლინიკის რეანიმაციულ განყოფილებაში მოხვდა. არსებული ინფორმაციით, მას სავარაუდოდ, ე.წ. გაზის კაფსული აქვს მოხვედრილი.

"მოგესალმებით მეგობრებო, სასიხარულო ამბავი მაქვს, გამომწერეს ინგოროყვას კლინიკიდან. ვაგრძელებ მკურნალობას და რეაბილიტაციას, ძალიან დიდი მადლობა ყველას ყურადღებისთვის, პატივისცემისთვის და გვერდში დგომისთვის" — წერს თირქია სოციალურ ქსელში.

ექიმების ინფორმაციით, მას სკალპის ღია ჭრილობა, შუბლის ძვლის და თვალბუდის და ზედა კიდის კედლის მოტეხილობა და შუბლის წილის კონტუზიური დაზიანება აღენიშნებოდა.