საგარეო საქმეთა სამინისტროს ინფორმაციით, თბილისის შოთა რუსთაველის სახელობის საერთაშორისო აეროპორტში ალენ ბერსეს ოცნების საგარეო საქმეთა მინისტრის მოადგილე, ლაშა დარსალია დახვდა.

ვიზიტის ფარგლებში, ალენ ბერსე შეხვედრებს გამართავს ოცნების პრემიერმინისტრთან, ირაკლი კობახიძესთან, ოცნების პარლამენტის თავმჯდომარე შალვა პაპუაშვილთან, ოცნების არჩეულ პრეზიდენტ მიხეილ ყაველაშვილთან, ოცნების საგარეო საქმეთა მინისტრ მაკა ბოჭორიშვილთან. ის ასევე შეხვდება კოალიცია ცვლილებების ლიდერ ნიკა გვარამიას და ძლიერი საქართველოს ერთ-ერთ ლიდერ ალეკო ელისაშვილს.

"ვიზიტის ფარგლებში, ალენ ბერსე ეწვევა საოკუპაციო ხაზის მიმდებარე სოფელს და ადგილზე გაეცნობა არსებულ ვითარებას. ევროპის საბჭოს გენერალური მდივნის ოფიციალური ვიზიტი საქართველოში 17-21 დეკემბერს იმართება", — აღნიშნულია საგარეო საქმეთა სამინისტროს მიერ გავრცელებულ ინფორმაციაში.