შენების მოძრაობამ ქუთაისსა და თელავში მერობის კანდიდატები წარადგინა. მოძრაობის ლიდერმა, დავით უსუფაშვილმა ქუთაისში ალუდა გოგლიჩიძე წარადგინა, თელავში კი - გელა გელაშვილი.

უსუფაშვილის თქმით, კანდიდატების შერჩევის ძირითადი კრიტერიუმი პროფესიონალიზმი და ქვეყნის სწორად შენების უნარი იყო.

"ადგილობრივი თვითმმართველობის არჩევნები არის ახალი მოძრაობის ჩამოყალიბების და ახლებური პოლიტიკის დანერგვის დასაწყისი, რასაც ამ ეტაპზე თბილისის მერობის კანდიდატ თენგიზ შერგელაშვილთან ერთად კიდევ რამდენიმე მუნიციპალიტეტში დასახელებული მერობის და საკრებულოების წევრობის კანდიდატები გაუძღვებიან", - აცხადებენ მოძრაობაში.

დავით უსუფაშვილმა შენების მოძრაობის დაარსების შესახებ მიმდინარე წლის 16 ივნისს ისაუბრა.