ადა მარშანიამ, რომელიც აფხაზეთის უმაღლესი საბჭოს წევრია, პრეზიდენტობის ერთადერთ კანდიდატ მიხეილ ყაველაშვილს მხარი არ დაუჭირა.

მან პარლამენტის პლენარული სხდომის დარბაზში მიმდინარე არჩევნებზე ქართულ ოცნებას განუცხადა, რომ მათ კანდიდატი უკეთესად უნდა შეერჩიათ. ასევე, ის ამბობს, რომ ამით ქართულმა ოცნებამ ზიანი ქვეყანასაც მიაყენა და საკუთარ თავსაც.

აქედან გამომდინარე, ადა მარშანიამ საარჩევნო ყუთში ცარიელი ბიულეტენი ჩააგდო.

"უკეთესად უნდა მოგეფიქრებინათ. თქვენ, ყველამ ერთად, საქართველოსაც ზიანი მიაყენეთ და თქვენს თავსაც, როგორც პოლიტიკურ ძალას. მე არ შემოვხაზავ, ცარიელს, შემოუხაზავს ვაგდებ”, — განაცხადა ადა მარშანიამ.