პედიატრი კონსტანტინე ჩახუნაშვილი სხდომათა დარბაზიდან გათავისუფლდა. სასამართლომ ის ადმინისტრაციულ სამართალდამრღვევად ცნო და მოსამართლე ლელა ცაგარეიშვილის გადაწყვეტილებით, ადმინისტრაციული სახდელის სახით 2 500-ლარიანი ჯარიმა დააკისრა. მას პროკურატურა მას პოლიციელის შეურაცხყოფას ედავებოდა.

ჩახუნაშვილის განცხადებით, მოწმეებმა სასამართლო სხდომაზე ტყუილი თქვეს.

"თქვენ როგორც ნახეთ იტყუებოდნენ და შუბლის ძარღვი გაწყვეტილი ჰქონდა ორივე მოწმეს, იქ პრეტენზია ჰქონდათ, რომ არ გცემთ ამიტომ არ ვართ რუსული მილიცია და რუსული მილიცია მარტო ეს კი არ არის. რუსული მილიცია არის ის, რასაც ახლა შვრებიან ცრუ მოწმეების ბრალდებით გვიჭერენ. ჩემი ერთი კოლეგა არის ჩადებით დაჭერილი, გიორგი ახობაძე და უამრავი ადამიანი თითიდან გამოწოვილი ე.წ. ფაქტებით არის დაჭერილი სისხლის სამართლის საქმეზე.
ჩვენი მიზანი არის რომ ახლა ბოლომდე უნდა მივაწვეთ, ახლა დანებების დრო არ არის! ეს ადამიანებიც ჩაითრევენ იმ პოლიციელებსაც, რომლებიც ჯერჯერობით ხელს არ აწერენ ასეთ რამეს. ყველაფერზე ხელისმომწერი პოლიციელებისგან უნდა გავათავისუფლოთ ის ადამიანები, რომლებიც ჯერჯერობით არიან სამართლიანობის მხარეს.
მე და ჩემი მეგობრები წავალთ აქციაზე და იქ გამოვხატავთ პროტესტს. ხალხს მოვუწოდებ, რომ არ დაიღალონ, ბოლომდე უნდა მივაწვეთ და ეს რეჟიმი არის დასასრულებელი. — აცხადებს კოტე ჩახუნაშვილი.