ნამდვილი ღალატი თქვენი რიგებიდან მოდის. ევროპარლამენტი მართებულად გამოვიდა სანქციების მოწოდებით მათ წინააღმდეგ, ვინც საქართველოს დემოკრატიულ მისწრაფებებს აფერხებს, მათ შორის შენს წინააღმდეგ, — ლატვიელი ევროპარლამენტარი რიჰარდს კოლსი შალვა პაპუაშვილს X-ზე მიმართავს და მას ჟიგიმანტას პავილიონისის და მარკო მიხელსონის მისამართით გაკეთებული განცხადებების გამო აკრიტიკებს.

"დემოკრატიაზე საუბრობ, მაგრამ იმას იცავ, რისი დაცვაც შეუძლებელია. მთავრობა, რომელიც ავტორიტარიზმისკენ მიდის, უგულებელყოფს საკუთარი ხალხის ნებას და უცხოური ძალების გულს იგებს, რომლებსაც საქართველოს ევროატლანტიკური მომავლისთვის ძირის გამოთხრა სურთ. შენ ცილს სწამებ მარკო მიჰელსონს და ჟიგიმანტას პავილიონისს, მაგრამ ნამდვილი ღალატი თქვენი რიგებიდან მოდის. ევროპარლამენტი მართებულად გამოვიდა სანქციების მოწოდებით მათ წინააღმდეგ, ვინც საქართველოს დემოკრატიულ მისწრაფებებს აფერხებს, მათ შორის შენს წინააღმდეგ. არ შეგეშალოს - შენი მანევრირების სივრცე მცირდება როგორც პოლიტიკურად, ასევე დიპლომატიურად. ევროპის მოთმინება უსაზღვრო არ არის.

სასაცილოა მცდელობები, რომ ბალტიისპირეთის ლიდერები, რომლებიც მუდმივად ემხრობიან დემოკრატიას და საქართველოს სუვერენიტეტს, "რეჟიმის ცვლილების" წამქეზებელს წარმოადგენენ. რასაც ჩემი თანამემამულე ბალტიელი ძმები – და ბევრი ევროპაში – ეწინააღმდეგებიან არა არჩევნებს, არამედ თქვენი მთავრობის აშკარა გადახრა დემოკრატიული ნორმებიდან, მისი ანტიუკრაინული მესიჯები და მისი ფლირტი რუსეთის გავლენებთან.

არ აურიოთ პასუხისმგებლობა საგარეო ჩარევაში. თქვენს მთავრობას არ ექვემდებარება ზეწოლა იმიტომ, რომ "ის ემსახურება თავის ხალხს", არამედ იმიტომ, რომ ძირს უთხრის მათ მომავალს. თუ არჩევნები დემოკრატიის ქვაკუთხედია, მაშინ დაე, იყოს თავისუფალი, სამართლიანი და პროპაგანდით დაუზიანებელი. თუ თქვენ ნამდვილად აფასებთ დემოკრატიას, დაამტკიცეთ ეს – მოქმედებებით და არა აბსურდიებით.

მანამდე, თქვენი მცდელობები, გააჩუმოთ კრიტიკა, მხოლოდ გააძლიერებს მას. ევროპა დგას ქართველ ხალხთან და არა მათთან, ვინც მათ დემოკრატიული ბედის გაძარცვას ცდილობს", — წერს ევროპარლამენტარი.