"მორიგი მავნებლობაა, რომლის საბოლოო შედეგიც 16-20 დეკემბერს უნდა მიეღოთ. როდესაც მათ პოლიტიკური ცეცხლის გახსნა გადაწყვიტეს 16-20 დეკემბრისთვის, ჩვენ მათ დავასწარით და 28 ნოემბერს ამ ყველაფრის დამზღვევი და მაპრევენცირებელი გადაწყვეტილება მივიღეთ, რომლის მიხედვითაც, შანტაჟის იარაღად ევროპის ფაქტორს ვერავინ გამოიყენებს, — ასე გამოეხმაურა პარტია ქართული ოცნების ლიდერი, მამუკა მდინარაძე უნგრეთის საგარეო საქმეთა მინისტრის, პიტერ სიიარტოს განცხადებას, რომლის თანახმადაც, წინადადება მიიღეს ბრიუსელისგან, რომ უნდა დააწესონ ევროპული სანქციები საქართველოს შინაგან საქმეთა მინისტრისა და მაღალჩინოსანი პოლიციელების წინააღმდეგ.

მამუკა მდინარაძის თქმით, ეს ნაბიჯი "მორიგი მავნებლობა იქნება" იქნება.

"მორიგი მავნებლობაა, რომლის საბოლოო შედეგიც 16-20 დეკემბერს უნდა მიეღოთ. როდესაც მათ პოლიტიკური ცეცხლის გახსნა გადაწყვიტეს 16-20 დეკემბრისთვის, ჩვენ მათ დავასწარით და 28 ნოემბერს ამ ყველაფრის დამზღვევი და მაპრევენცირებელი გადაწყვეტილება მივიღეთ, რომლის მიხედვითაც, შანტაჟის იარაღად ევროპის ფაქტორს ვერავინ გამოიყენებს. იმიტომ, რომ ევროპა არ არის შანტაჟი, ევროპა არის ქრისტიანულ ღირებულებებზე დაყრდნობით, ადამიანის უფლებებზე დაყრდნობით შექმნილი სახელმწიფოთა გაერთიანება და საქართველო არის ევროპა, აი, ამ ფასეულობების გათვალისწინებით და არა მათ გარეშე. შესაბამისად, როდესაც ჩვენ თამამად ვამბობთ, რომ საქართველო გახდება ევროპული ოჯახის სრულფასოვანი წევრი, ზუსტად ამას ვგულისხმობ და ევროპა ვერ იქნება ვინმეს ხელში გამოყენებული, როგორც შანტაჟის იარაღი. ამის დაზღვევა, პრევენცია მოვახდინეთ, ამაზე ძალიან დარდობენ ვიღაცები, მაგრამ ფაქტია, რომ ჩვენ მხოლოდ და მხოლოდ იმიტომ ვებოდიშებით ჩვენს საზოგადოებას, რომ „უკაცრავად განერვიულებთ, მაგრამ ჩვენ ძალიან სერიოზული [რამის] პრევენცია მოვახდინეთ“. მათ შორის, ეს ბოლო დღეებში კიდევ უფრო კარგად გამოჩნდა", — განაცხადა მამუკა მდინარაძემ.