ძალიან მნიშვნელოვანია, რომ ქვეყანამ იგრძნოს ბიზნესის ძალა. დღეს, მე დავინახე, რომ ქართული ბიზნესი დადგა ფეხზე, უმეტესი ნაწილი, კრიტიკული მასა შეიკრიბა ახლა მთავარია ერთად დგომა — ვერავინ მოერევა ნამდვილ ქართულ ბიზნესს და არა იმას, ვისაც ახლა "დალაგებული" აქვს და ეშინია სიტყვის ამოღების, — ამის შესახებ ძლიერი საქართველოს ერთ-ერთმა ლიდერმა, მამუკა ხაზარაძემ განაცხადა. ინფორმაციას პრესსამსახური ავრცელებს.

მისივე თქმით, დღეს, ძალიან მნიშვნელოვანია ჯანსაღი საზოგადოებრივი აზრი.

"ბიზნესს აქვს უამრავი ბერკეტი იმისა, რომ გაიფიცოს, გამაფრთხილებლად გაიფიცოს, ბოლო-ბოლო გადასახადებიც კი შეაჩეროს, მაგრამ ეს უნდა მოხდეს ორგანიზებულად, არ შეიძლება ვინმე ერთი კომპანია ან ერთი კომპანიის თანამშრომლები შევატოვოთ სისტემას. ბიზნესი არის სწორედ ის ხალხი, ის სექტორი, რომლის გადასახადებითაც ამ პოლიციელებს ხელფასს ვუხდით და რომლებიც არ ინძრევიან, როცა დანაშაულს ხედავენ. ძალიან მნიშვნელოვანია, რომ ქვეყანამ იგრძნოს ბიზნესის ძალა. დღეს მე დავინახე, რომ ქართული ბიზნესი დადგა ფეხზე, უმეტესი ნაწილი, კრიტიკული მასა შეიკრიბა ახლა მთავარია ერთად დგომა, ამ შეხვედრების გაგრძელდება და გარანტიას გაძლევთ, რომ ვერავინ მოგვერევა! ვერავინ მოერევა ქართულ ბიზნესს, ნამდვილ ქართულ ბიზნესს და არა იმას, ვისაც ახლა "დალაგებული" აქვს და ეშინია სიტყვის ამოღების, რომ იქ ტენდერი ვერ მოიგოს, ამ ხალხზე არ ვსაუბრობ, მივესალმები მათ და მოვუწოდებ, იმ ბიზნესმენებს, კომპანიებს, რომლებსაც ჯერ არ ამოუღიათ ხმა, აქ და ახლა წყდება ქვეყნის ბედი, ეს უნდა ვუმეოროთ ყველას. ზოგი გვიან შემოუერთდება, მაგრამ მეგობრებო, უკვე დროც არ არის ბევრი, გადასულები არიან ტერორზე და ძალადობაზე.
დღეს, ძალიან მნიშვნელოვანია ჯანსაღი საზოგადოებრივი აზრი. არაფერი გაქვთ დასამალი! პატიოსნად და ღირსეულად მუშაობთ, იხდით გადასახადებს რა უნდა გაგიკეთოთ ან საგადასახადო ინსპექციამ ან ბიძინა ივანიშვილმა? თავისუფლებაზე მაგარი რამე არ არსებობს დედამიწის ზურგზე და ბიზნესი თავისი არსით თავისუფალი ადამიანების საკეთებელი საქმეა! მე ამდენი ხნის განმავლობაში არ მინახავს ბიზნესი და ბიზნესმენი შეზრდილი ხელისუფლებასთან, რომლის კომპანია გადარჩა — არ მინახავს.
ძალიან ბევრს ჩამოგითვლით რამდენი გაქრა ასეთი კომპანიები იმიტომ, რომ იყვნენ ჩართულები კორუფციაში, დანაშაულებრივ სინდიკატად გადაიქცნენ და ა.შ.", —განაცხადა ხაზარაძემ.