რუსეთის მოქალაქე ვიქტორ კრასნოვს სოციალურ მედია Vk-ზე დაწერილი კომენტარების გამო 1 წლის ციხეში გატარება ემუქრება. ინფორმაციას მის ადვოკატზე დაყრდნობით NBC ავრცელებს.

"ღმერთი არ არსებობს" და "ბიბლია ებრაული ზღაპრების კოლექციაა" - 2014 წელს ეს კომენტარები კრასნოვმა ონლაინ დისკუსიაში თავისი არგუმენტების გასამყარებლად მოიშველია.

თავდაპირველად კრასნოვის კომენტარები წაშალეს, 2015 წლის შემოდგომაზე კი მის წინააღმდეგ სარჩელი შეიტანეს. საქმეზე გამოძიება 29 თებერვალს დაიწყო "მორწმუნეების გრძნობების შეურაცხყოფის" მუხლით, ეს უკანასკნელი კი 2012 წლის თებერვალში, Pussy Riot-ის ეკლესიაში პერფორმანსის შემდეგ კრიმინალიზირდა.

კრასნოვი ამბობს, რომ გაოცებულია იმით, რომ სოციალურ მედიაში გამოქვეყნებულ მის კომენტარებს ასეთი გამოხმაურება მოჰყვა:

"ჩვენ გვჭირდება კანონი, რომელიც ათეისტების უფლებებსაც დაიცავს".