სახალხო დამცველი ლევან იოსელიანი ტვ პირველის ჟურნალისტებზე თავდასხმას გამოეხმაურა.

"ყველამ ძალიან ცუდი კადრები ვიხილეთ, როდესაც თავს დაესხნენ ჟურნალისტებს, მოქალაქეებს, როგორ უსწორდებოდნენ არაფორმალური დაჯგუფებები. რასთან გვაქვს საქმე, 90-იან წლებში დავბრუნდით?! როდესაც ვიღაცები დადიან და ადამიანებს უსწორდებიან, ანგარიშს უსწორებენ...
...პასუხი უნდა იყოს გაცემული დროულად, ადეკვატურად და სამართლიანად. საზოგადოება იმიტომ არის დაყოფილი, რომ ყველას აქვს თავისი სიმართლე, უნდა იყოს სახელმწიფო, რომელიც მას დააბალანსებს, მისცეს ყველას შესაძლებლობა, აზრი გამოხატოს.
კანონი თანაბარი უნდა იყოს ყველასთვის და სასჯელი გარდაუვალი. თუ ვიღაცას ექნება უფლება, ადამიანს ასე მოექცეს, ქუჩაში დაესხას თავს და დაუსჯელი დარჩეს, ეს გადამდებ ხასიათს მიიღებს. გამოჩნდებიან ვიღაცები, რომლებიც ამათ იპოვიან და გაუსწორდებიან, სამოქალაქო დაპირისპირება სხვა კი არაფერია", — განაცხადა სახალხო დამცველმა, ლევან იოსელიანმა საზოგადოებრივ მაუწყებელთან.