ოცნების ხელისუფლების პრემიერმინისტრმა, ირაკლი კობახიძემ ბრიფინგზე განაცხადა, რომ 20 იანვრამდე ქვეყანაში მშვიდობა იქნება, მერე კი დასავლეთთან ურთიერთობები გადაიტვირთება.

ჟურნალისტის კითხვაზე — "თუ ქვეყანაში 20 იანვრამდე ამ მასშტაბის აქციები გაგრძელდება?", პრემიერმა კითხვა მოუჭრა: — "დაივიწყეთ! გამორიცხულია!"

კობახიძის თქმით, გუშინდელი დღიდან წამოვიდა აქციებზე ხალხის რაოდენობის კლების ტენდენციები. რაც შეეხება მოძალადეების რაოდენობას, ესეც იკლებს.

ჟურნალისტის კითხვაზე, თუ 20 იანვრიდან დასავლეთთან ურთიერთობის გადატვირთვის მოლოდინი ჰქონდათ, რაში დასჭირდა ოცნებას 28 ნოემბრის განცხადების გაკეთება EU-სთან მოლაპარაკების შეჩერებაზე, "სად ეჩქარებოდათ"?, პრემიერმა უპასუხა, რომ აშშ-ში ახალი ადმინისტრაციის შეცვლამდე პერიოდი რისკებთანაა დაკავშირებული და ვერავის "მისცემდნენ დაშანტაჟების საშუალებას."

"ეს 2 თვე, გამომდინარე იქიდან, რომ აშშ-ში იცვლება ადმინისტრაცია, იყო განსაკუთრებული რისკების შემცველი. თქვენ ხედავთ, რომ მოქმედი ადმინისტრაცია ცდილობს ახალ ადმინისტრაციას დაუტოვოს მაქსიმალურად მძიმე მემკვიდრეობა ამ რეგიონში, … ეს 2 თვე იყო რისკებთან დაკავშირებული. დეკემბერი იყო ყველაზე დიდი რისკების შემცველი. აქედან გამომდინარე დეკემბერში ვერავის მივცემდით დაშანტაჟების საშუალებას. აქციები არ დაწყებულა 5 დღის წინ, აქციები გრძელდებოდა უწყვეტ რეჟიმში და არ იყო ამის საფუძველი. არც ერთი მთავრობა, არც ერთი ხელისუფლება არ აკეთებდა განცხადებას არჩევნებთან დაკავშირებით. ამ ფონზე რადიკალური ოპოზიცია აწყობდა პერმანენტულ ქციებს.

… ყველამ დაინახა, რომ 20 იანვრამდე ვერანაირი ანტიმაიდანი ვერ შედგება. მერე უკვე გადაიტვირთება ურთიერთობები.

20 იანვრამდე საბოლოო ჯამში გვექნება სიმშვიდე. ნაცმაიდანი ჩავარდა, პატარა კუდები შეიძლება იყოს. 20 იანვრიდან ველოდებით გადატვირთვას", — განაცხადა ირაკლი კობახიძემ ბრიფინგზე.