მელიქიშვილის გამზირზე, 19 ნოემბერს გამართულ აქციაზე დაკავებულმა დავით წოწორიამ წინასწარი დაკავების იზოლატორი 8-დღიანი ადმინისტრაციული პატიმრობის შემდეგ დღეს დატოვა.

შსს წოწორიას წვრილმან ხულიგნობასა და პოლიციელებისადმი დაუმორჩილებლობას ედავებოდა.

"ნიღბიანებმა ჩაგვიარეს ყოველგვარი აგრესიის გარეშე, გავაფრთხილე კიდევაც ახალგაზრდებია და ცოტა ფრთხილად მეთქი. მერე ვიღაც უნიღბოები მოდიოდნენ, რომელმაც შემომხედა და ვიღაცას გადასცა დააკავეთ ესო. იმან რომ დამაკავა, მაღაზიის წინ ვიდექი და გამიშვა, წადი, წადიო. რომ დამინახეს, ხომ გითხარით დააკავეთო და დამაკავეს. ერთმა შემადგენლობამ გადამცა მეორეს, მეორემ მესამეს და ბოლოს ჩამაბარეს მეოთხე შემადგენლობას. [...] სასამართლო თავიდან ბოლომდე არის ფარსი. შსს-ს წარმომადგენელმა განაცხადა, რომ ჩემზე ჯარიმები არ მოქმედებს მსუსხავი სახით და პატიმრობა იმოქმედებდა", — თქვა წოწორიამ.

შეგახსენებთ, რომ მასთან ერთად იზოლატორი დღეს ისაკო დევიძემაც დატოვა.