კავკასიის რეგიონის წამყვანი ტექნოლოგიური და ინოვაციების ღონისძიების, Touch Summit 2024-ის მოსალოდნელი საბოლოო დღის წესრიგი უკვე მზად არის! ღონისძიება ჩატარდება 3-4 დეკემბერს რუსთაველის თეატრში და სტუმრებს მთელი მსოფლიოდან უმასპინძლებს.

50-ზე მეტი სესიის ფარგლებში, წლევანდელი პროგრამა სავსეა გამორჩეული ქინოუთ გამოსვლებით, საინტერესო პანელური დისკუსიებით, ინტერაქტიური ვორკშოპებით, დელეგატების დისკუსიაში აქტიური ჩართულობისთვის მრგვალი მაგიდებით, დამფუძნებლების შთამაგონებელი ისტორიებით და ინდუსტრიის ლიდერებთან "Fireside Chat"-ით. პროგრამის ნაწილი იქნება დინამიური ნეთვორქინგის სესიები, სტარტაპების Pitch კონკურსი, სპეციალური საიდ ივენთი AXEL-ის ორგანიზებით კონფერენციის მომდევნო დღეს — 5 დეკემბერს, რაც Touch Summit-ს ტექნოლოგიების, ბიზნესისა და ციფრული ინდუსტრიების პროფესიონალებისთვის იდეალურ სივრცედ აქცევს.

"წლევანდელი დღის წესრიგი ასახავს ჩვენს ვალდებულებას, ხელი შევუწყოთ პროფესიულ და პიროვნულ ზრდას და აზროვნების არეალის გაფართოებას. ჩვენ ვაერთიანებთ გლობალურ ლიდერებს და ადგილობრივ ცვლილებების შემქმნელებს, რათა შევქმნათ გარემო, სადაც იდეები სწრაფი განვითარებისთვის ახალი შესაძლებლობები ჩნდება", — განაცხადა ნათია გოგიამ, Touch Summit-ის მმართველმა დირექტორმა.

პროგრამის ძირითადი ელემენტები მოიცავს:

• საკვანძო გამოსვლები მსოფლიოს წამყვანი ტექნოლოგიური კომპანიების, როგორიცაა Google, Oculus VR და Spotify, ექსპერტებისგან.
• ვორკშოპები, რომლებიც უზრუნველყოფს პრაქტიკულ სწავლებას UX/UI, ინვესტიციები, ამბის თხრობის ტექნიკები, AI და ბიზნეს სტრატეგიების სფეროებში.
• დამფუძნებლების ისტორიები, რომლებიც წარმატებული მეწარმეების გზას წარმოაჩენს.
• Fireside Chats, რომლებიც გვიხსნის ინოვაციის და სტარტაპების მომავალს.
• სტარტაპების Pitch კონკურსი, სადაც ინვესტიციის მოზიდვის შესაძლებლობა გექნებათ.
• ნეთვორქინგის შესაძლებლობები 50-ზე მეტ საერთაშორისო ინვესტორთან და 1 000-ზე მეტ სტუმართან.

ახლა საუკეთესო დროა, რომ უკვე დაჯავშნოთ ადგილი ყველაზე საინტერესო სესიებზე. მიიღეთ ბილეთები დღესვე და გაეცანით სრულ პროგრამას აქ.

მედიისთვის კითხვების შემთხვევაში, გთხოვთ, დაუკავშირდეთ:
ნათია გოგია
მმართველი პარტნიორი
593624624, [email protected]

Touch Summit-ის შესახებ

Touch Summit არის წამყვანი პლატფორმა ტექნოლოგიების, სტარტაპების, ბიზნესისა და კრეატიული ინდუსტრიების ზრდაზე ორიენტირებული პროფესიონალებისთვის. ინოვაციისა და თანამშრომლობის სულისკვეთების გაღრმავებით, Touch Summit აძლიერებს ადამიანებს და ორგანიზაციებს, მიაღწიონ თავიანთ სრულ პოტენციალს.