სპეციალური დანიშნულების რაზმის წარმომადგენლებმა თსუ-ს პირველი კორპუსის მიმდებარე ტერიტორია აქციის მონაწილეებისგან გაწმინდეს. სამართალდამცავებმა დაშალეს კარვებიც. ასევე, ევაკუატორით გაჰყავთ ადგილზე განთავსებული მანქანები, რომლითაც გზები იყო გადაკეტილი.

ამ დროისთვის ჭავჭავაძის გამზირზე მთლიანად საპოლიციო ძალები, მათ შორის სპეცრაზმია განთავსებული.

ჭავჭავაძის გამზირზე ამ დროისთვის თბილისის მერიის დასუფთავების სამსახური დასუფთავებით სამუშაოებს ატარებს.

პარალელურად ადგილზე რჩება სპეცდანიშნულების რაზმი და წყლის ჭავლის რამდენიმე მანქანა.

ინფორმაციას ინტერპრესნიუსი ავრცელებს.