ასლან ბჟანიას განცხადებით, მომიტინგეების მიერ ე.წ. პარლამენტის შენობის დატოვების შემდეგ, ის გადადგება ე.წ პრეზიდენტის თანამდებობიდან, — ამის შესახებ ოკუპირებული აფხაზეთის ე.წ პრეზიდენტის განცხადება რუსულ მედიაში გავრცელდა.

"მათ ვინც შენობა დაიკავა, ვინც სახელმწიფო გადატრიალების დასრულებას ცდილობდა, შენობის კომპლექსი უნდა დატოვონ, რის შემდეგაც მე მზად ვარ არჩევნები დავნიშნო, მზად ვარ გადავდგე და არჩევნებში მონაწილეობა მივიღო", — განუცხადა ბჟანიამ სოფელ ტამიშში შეკრებილ მხარდამჭერებს.

შეგახსენებთ, რომ რამდენიმე დღეა, ოკუპირებულ აფხაზეთში დემონსტრაციები მიმდინარეობს. გუშინ მომიტინგეებმა ე.წ საკანონმდებლო ორგანოს შენობა დაიკავეს. ე.წ პრეზიდენტი, ასლან ბჟანია, სოფელ ტამიშში იმყოფება.