ისრაელის პრემიერმინისტრმა დაადასტურა, რომ მან გასცა ბრძანება ჰეზბოლაზე თავდასხმაზე, რომლის დროსაც ტერორისტებს ასობით პეიჯერი აუფეთქდათ. ამის შესახებ The Times of Israel წერს. ამით ბენიამინ ნეთანიაჰუმ ფაქტობრივად აღიარა ებრაულ მედიაში გაჟონილი ინფორმაცია იმასთან დაკავშირებით, რომ სექტემბერში ჰეზბოლაზე პეიჯერისა და ვოკი-თოლიკის თავდასხმების უკან ისრაელი იდგა

"პეიჯერების ოპერაცია და ნასრალას ლიკვიდაცია თავდაცვის სამინისტროს მაღალი თანამდებობის პირებისა და პოლიტიკოსების წინააღმდეგობის მიუხედავად, მაინც ჩატარდა", — განაცხადა ნეთანიაჰუმ მთავრობის სხდომაზე.

17 და 18 სექტემბერს ლიბანში ჰეზბოლას პეიჯერები და სხვა ელექტრონული მოწყობილობები აფეთქდა, რის შედეგადაც 40-ზე მეტი ტერორისტი მოკვდა, 3 ათასზე მეტი კი დაშავდა, მათ შორის, ასობით ჰეზბოლელმა მხედველობა და კიდურები დაკარგა.