რაღაც ფორმით სამართლიანი ფორმით დავუბრუნდებით ახალ არჩევნებს, იმისთვის, რომ საქართველომ მიიღოს ლეგიტიმური პარლამენტი, ლეგიტიმური მთავრობა და ლეგიტიმური პრეზიდენტი, — ამის შესახებ საქართველოს პრეზიდენტმა, სალომე ზურაბიშვილმა ევროკავშირის 8 ქვეყნის საგარეო საქმეთა კომიტეტის თავმჯდომარეების დელეგაციასთან შეხვედრის შემდეგ პრესკონფერენციაზე განაცხადა.

მისი თქმით, ევროპა ხელიდან არ უშვებს საქართველოს, რადგან სჯერა ქართველი ხალხის ევროპულობის.

"მათი აქ ჩამოსვლა დღეს, როცა საქართველო შედის ღრმა პოლიტიკურ კრიზისში, არის კიდევე ერთხელ ნიშნი ამ ევროპული მხარდაჭერის. ევროპა ხელიდან არ გვიშვებს და ჯერ კიდევ სჯერა საქართველოსი და საქართველოს ევროპულობის, საქართველოს ხალხის ევროპულობის, რომელიც გამოიხატა არაერთხელ ამ 33 წლის მანძილზე. არა ერთხელ კი არა, ყოველ ჯერზე. როცა ევროპული პრინციპები იყო ეჭვქვეშ, საქართველოს მოსახლეობა გამოდიოდა. ვიცით ბევრი ადამიანი, რომელიც ამბობს, რომ ეს 30 წელი ქუჩაში გაატარა.

ეს არის ქვეყანა, სადაც საზოგადოება არის ევროპული, დემოკრატიული და, სამწუხაროდ, რომელსაც არა ჰყავს დემოკრატიული ხელისუფლება, ჰყავს ერთპარტიული ხელისუფლება, რომელიც დაეუფლა ყველა ამ ქვეყნის ინსტიტუტს და შედეგი მივიღეთ ამ არჩევნებში. ეს არის ერთპარტიულად მართული და გაყალბებული არჩევნები.

ჩვენი მეგობრები აქ არიან, რომ ერთად მოვიპოვოთ ის გზები, რითაც შეეძლება საქართველო გამოვიდეს ამ კრიზისიდან. რაღაც მომენტში და რაღაც ფორმით სამართლიანი ფორმით დავუბრუნდებით ახალ არჩევნებს, იმისთვის, რომ საქართველომ მიიღოს ლეგიტიმური პარლამენტი, ლეგიტიმური მთავრობა და ლეგიტიმური პრეზიდენტი

რაღაც მომენტში სამართლიანი ფორმით დავუბრუნდებით ახალ არჩევნებს იმისთვის, რომ საქართველომ მიიღოს ლეგიტიმური პარლამენტი, ლეგიტიმური მთავრობა და ლეგიტიმური პრეზიდენტი", — განაცხადა პრეზიდენტმა.