7 წლის ბრიტანელი ბიჭი, ჯულიან კედმენი, ბარსელონას ტერაქტს ემსხვეპლა. ინფორმაციას ესპანეთის პოლიციაზე დაყრდნობით BBC ავრცელებს.

არასრულწლოვანის ძებნა ავსტრალიაში მცხოვრებმა მისმა ბაბუამ მაშინ დაიწყო, როდესაც ოჯახმა გაიგო, რომ ტერაქტის დროს ის დედასთან ერთად იყო, მის მერე კი არავის უნახავს. ბოლო ცნობებით, ჯულიანის დედის მდგომარეობა კრიტიკულად მძიმეა.

რამბლას ბულვარზე 17 აგვისტოს ფურგონი ფეხით მოსიარულეებში შევარდა. ტერაქტს 13 ადამიანის სიცოცხლე ემსხვერპლა.

გარდაცვლილის ოჯახის წევრები ტერაქტის მეორე დღეს ავსტრალიიდან ესპანეთში ჩავიდნენ, რათა დაკარგული შვილიშვილი მოეძებნათ. ისინი მადლობას უხდიან მათ, ვინც ბიჭის ძებნაში დაეხმარა. ისინი ჯულიანს ბედნიერ ბავშვად იხსენებენ:

"გაგვიმართლა, რომ ის ჩვენი ცხოვრების ნაწილი იყო. ყოველთვის გვემახსოვრება მისი ღიმილი".

ბრიტანეთის საგარეო საქმეთა მინისტრმა ბორის ჯონსონმა დაღუპული ბიჭის ოჯახს ტვიტერიდან მიუსამძიმრა.

ბარსელონაშო მომხდარ ტერაქტზე პასუხისმგებლობა ISIS-მა აიღო.